«Байанай» булт-алт эйгэтэ

СалайааччыАндреев Николай Викторович.  1996 сыллаахха М.К.Аммосов аатынан Саха Государственнай университет математическай факультетын бүтэрбитэ.  2012 сылтан Айыы Кыһата нацииональнай гимназияҕа үлэлиир, ити сылтан идэтин уларытан ОБЖ (Олоххо сэрэхтээх буолуу) предмет учууталынан буолбута.  2013 сылтан Аҕа түмсүүтүн тэрийбитэ, салайааччынан талыллыбыта. Общественнай тэрилтэ киэҥ хайысхалаах үлэни ыытан, Дьокуускай куораттааҕы да, республика араас куонкурустарыгар, күрэхтэригэр көхтөөхтүк кытталлар. Аҕа түмсүүтэ дьоһун аатын билигин үгүс киһи билэр. Тэрилтэ бастаан тэриллэригэр 8 хайысханан үлэлиирэ. Сүрүн хайысханан саха уолун иитиитигэр үлэлээбиттэрэ. Билигин бу үлэҕэ кыыс оҕону иитии эмиэ киирбитэ. Байыаннай- патриотическай иитиини, булт-алт хайысхатынан элбэх үлэ ыытыллар. Бу хайысхаттан саҕалаан Айыы Кыһатыгар “Байанай” булт-алт эйгэтэ үөскээбитэ.

Сүрүн сыала: Өбүгэлэрбит төрүт дьарыктарын умнубат уонна үйэтитэр туhуттан уол оҕону булка уhуйуу.

Сүрүн соруктар:

— уол оҕону дьиҥ сахатын уhуганнарыы;
— айылҕаны ытыктыырга-харыстыырга үөрэтии;
— өбүгэ төрүт дьарыктарын билиhиннэрии уонна үөрэтии

Бырайыак сүрүн хайысхалара:

— эт-хаан өттүнэн кытаатыы, өй-санаа өттүнэн сайдыы;
— сиэри-туому тутуhуу;
— булт сокуоннарын билиhиннэрии;
— булт тэриллэрин уонна ньымаларын үөрэтии;
— «Муҥха», «Куйуур» — норуот педагогикатын биир дьикти көстүүлэрэ;
— күндү түүлээҕи таҥастааһын;
— Байанай бэрсибит аhын-үөлүн буhарарга үөрэнии;
— «Байанай», «Боотур Омооно» күрэхтэргэ кыттыы;

Сэрэйиллэр түмүктэр:

— айылҕа ис дьиҥин билэ-өйдүү үөрэнэр;
— булт сатабылларын билэр;
— эт-хаан өттүнэн сайдар;
— өбугэлэрбит үтүө дьарыктарын ситимин быспат эр бэрдэ  буола улаатар.

Н.В. Андреев республиканскай конференцияҕа «Оҕону төрүт үгэскэ сыhыарыы бастыҥ опыта» дакылаата анал номинациянан,  «Ленский край» физико-математическай форуҥа «Эр киһи учуутал: Өлбөт тыыннаах, Аралдьыйбат ааттаах, Көстүбэт күүстээх, көнө сүрэхтээх киһи»дакылаатынан кыттыбыта,   СССР Норуотун учуутала М.А. Алексеев сырдык кэриэһигэр  ыытыллыбыт НПК чинчийээччи — учууталлар ортолоругар  аахпыт дакылаата биһирэбил III степеннээх дипломунан бэлиэтэммитэ.

Н.В. Андреев «Юнармейская медаль им. Ф.А. Поморцева, «25 лет Ассоциации ветеранов боевых действий ОВД и ВВ РС(Я)» үбүлүөйүнэй мэтээллэринэн наҕараадаламмыта, «Байанай» республиканскай күрэххэ  улахан калибердаах винтовканан ытыыга чемпион уонна 3 төгүллээх призер.

 

Оставьте комментарий

Ваш адрес email не будет опубликован. Обязательные поля помечены *

Пролистать наверх